Рушди устувор ва самаранокии ислоҳоти соҳаи маориф аз афзоиши маблағгузории он вобастагӣ дорад. Аз тарафи Ҳукумати Ҷумҳурии Тоҷикистон бо сарварии Президенти кишвар ба соҳаи маориф таваҷҷуҳи хосса зоҳир гардида, маблағгузории ин соҳаи калидӣ ва ҳаётан муҳим сол аз сол зиёд мегардад. Аз ҷумла, соли 2018 барои соҳаи маориф 3 млрд. 863 млн. 64 ҳазор сомонӣ ҷудо карда шуд, ки нисбат ба соли 2017 8% зиёд мебошад.

Маблағгузорӣ ба соҳа дар соли 2019-ум 4 млрд. 400,2 млн. сомонӣ пешбинӣ гардидааст, ки ин нисбат ба соли 2018 – 537,1 млн. сомонӣ ё худ 13,9% афзоиш ёфта, 18,5%-и ҳаҷми умумии хароҷоти Буҷети давлатӣ ва 6,3 %-и ММД-ро ташкил медиҳад.